സ്ഥിരമായി ട്രെയിനില്‍ യാത്രക്കാരുടെ വസ്തുവകകള്‍ മോഷ്ടിക്കുന്നയാള്‍ പിടിയിലായി. ഒറ്റപ്പാലം മുളഞ്ഞൂര്‍ സ്വദേശി രവി എന്ന മുപ്പതുകാരനാണു കണ്ണൂരില്‍ വച്ച്‌ റയില്‍വേ പൊലീസിന്‍റ്റെ പിടിയിലായത്‌.
ദീര്‍ഘദൂര ട്രെയിനുകളിലാണു രാത്രികാലങ്ങളില്‍ ഇയാള്‍ മോഷണം നടത്തുന്നത്‌. പിടിയിലായ സമയത്ത്‌ രണ്ട് മൊബൈല്‍ ഫോണുകള്‍ ഇയാളുടെ കൈവശമുണ്ടായിരുന്നു.മൊബൈല്‍ ഫോണുകള്‍, ലാപ്‌ ടോപ്‌, മറ്റു വിലപിടിപ്പുള്ള വസ്തുക്കള്‍ എന്നിവയാണ്‌ പ്രധാനമായും കവര്‍ച്ച നടത്തുക. വലിയൊരു മോഷണ സംഘത്തിലെ കണ്ണിയാണ്‌ ഇയാള്‍ എന്ന് പൊലീസ്‌ കരുതുന്നു.