രാജസ്ഥാന്‍ റോയല്‍സിന്റെ ആദ്യ മത്സരത്തില്‍ തന്നെ പുറത്താകാതെ നേടിയ 82 റണ്‍സ് പ്രകടനവുമായി പുതിയ ഐപിഎല്‍ സീസണിന് തുടക്കമിട്ടിരിക്കുകയാണ് മലയാളി താരമായ സഞ്ജു സാംസണ്‍. തുടക്കത്തിലെ തന്നെ ഓപ്പണര്‍മാരെ നഷ്ടമായ രാജസ്ഥാനെ മത്സരത്തിലേക്ക് തിരികെയെത്തിച്ചത് നായകന്‍ സഞ്ജു സാംസണിന്റെ പ്രകടനമായിരുന്നു. ഇപ്പോഴിതാ താരത്തിന്റെ മാച്ച് വിന്നിങ് പ്രകടനത്തെ അഭിനന്ദിച്ച് രംഗത്ത് വന്നിരിക്കുകയാണ് മുന്‍ ഇന്ത്യന്‍ താരമായ ഇര്‍ഫാന്‍ പത്താന്‍.
