തുടക്കത്തിലെ കൊൽക്കത്തയുടെ വിക്കറ്റുകൾ സ്വന്തമാക്കി മത്സരം ഹൈദരാബാദിൻ്റെ കയ്യിലിരിക്കെയാണ് ആറാം ഓവറിൽ ബൗൾ ചെയ്യാനായി ഉമ്രാൻ മാലിക് എത്തിയത്. എന്നാൽ ഈ ഓവറിൽ അടിച്ചു തകർത്ത നിതീഷ് റാണ മത്സരത്തിൻ്റെ ടോൺ തന്നെ മാറ്റി കളഞ്ഞു. ഉമ്രാൻ എറിഞ്ഞ മത്സരത്തിലെ ആറാം ഓവറിൽ 4,6,4,4,4,6 എന്നിങ്ങനെയായിരുന്നു റൺസ് ഒഴുകിയത്. ഇതോടെ അഞ്ചോവറിൽ 3ന് 34 എന്ന നിലയിലുണ്ടായ കൊൽക്കത്തയുടെ സ്കോർ 6 ഓവറിൽ 62 റൺസ് എന്നതിലേക്ക് മാറി. മത്സരത്തിൽ ഏറെ നിർണായകമായിരുന്നു ഈ ഓവർ.
