ബേയ്ജിംഗ്: ലോകത്തിലെ ഏറ്റവും നീളമേറിയ കടൽ‌പലം യത്രക്കാ‍യി തുറന്നുകൊടുക്കാനൊരുങ്ങി ചൈന. ചൈനയും ഹോങ്കോങും തമ്മിൽ ബന്ധിപ്പിക്കുന്ന 55 കിലോമീറ്റർ ദൂരമുള്ള കടൽ‌പാലമാണ് പൂർണ സജ്ജമായി യാത്രക്കാരെ കാത്തിരിക്കുന്നത്.
ഈ മാസം 24ന് ഗതാഗതത്തിനായി പാലം തുറന്നുകൊടുക്കും. പേൾ റിവർ മേഖലയിൽ നിന്നും ഹോങ്കോങ്-സുഹായ്-മക്കാവു എന്നിവിടങ്ങളെ ബന്ധിപ്പിച്ചാണ് കടൽ‌പാലം പണിതിരിക്കുന്നത്. പാലം തുറക്കുന്നതോടെ ഹോങ്കോങ്-സുഹായ് യാത്രാ സമയം മുന്ന് മണിക്കൂറിൽ നിന്നും 30 മിനിറ്റായി കുറയും.
2009ലാണ് ചൈന പാലത്തിന്റെ നിർമ്മാണത്തിന് തുടക്കമിട്ടത്. 2000 കോടി ഡോളർ ചിലവിട്ട് ഒൻപത് വർഷം കൊണ്ടാണ് പാലം പണി പൂർത്തിയാക്കിയത്.