മാംസം കഴിക്കുന്ന പുരുഷന്മാർക്കൊപ്പം സെക്സ് ചെയ്യരുതെന്നും അവർക്ക് ലൈംഗികത നിഷേധിക്കണമെന്നും ആവശ്യപ്പെട്ട് പ്രമുഖ മൃഗാവകാശ സംഘടനയായ പെറ്റ. മാംസം കഴിക്കുന്ന പുരുഷന്മാരാണ് കൂടുതലായി ഗ്രീൻഹൗസ് എമിഷന് കാരണക്കാരാകുന്നതെന്നാണ് സംഘടന പറയുന്നത്.
പെറ്റയുടെ ജർമ്മൻ ഡിവിഷനാണ് സ്ത്രീകളോട് മാംസം കഴിക്കുന്ന പുരുഷന്മാർക്ക് സെക്സ് നിഷേധിക്കണമെന്ന് പറഞ്ഞത്. സോസേജുകളെ ഒരുപാട് ഇഷ്ടപ്പെടുന്ന ജർമൻക്കാരിൽ നിന്നും വലിയ രോഷമാണ് പ്രതിഷേധത്തിനെതിരെ ഉണ്ടായിരിക്കുന്നത്. പുരുഷന്മാരാണ് കൂടുതൽ മാംസം കഴിക്കുന്നത് എന്നും അതിനാൽ അവർ സ്ത്രീകളേക്കാൾ 41 ശതമാനം അധികം മലിനീകരണത്തിന് കാരണക്കാരാകുന്നതെന്നുള്ള പ്ലോസ് വൺ എന്ന ശാസ്ത്ര ജേണലിൽ നിന്നുള്ള റിപ്പോർട്ട് ചൂണ്ടികാട്ടിയാണ് പെറ്റയുടെ പരാമർശം