കാട്ടുതീ പടര്‍ന്നുപിടിച്ച് പത്തൊന്‍പത് മരണം. മധ്യ പോർച്ചഗലിലെ പെട്രോഗോ ഗ്രാൻഡെ മേഖലയിലാണ് കാട്ടുതീ പടര്‍ന്നുപിടിച്ചത്. നിരവധി വീടുകൾ കത്തിനശിച്ചിട്ടുണ്ട്. തീ നിയന്ത്രണ വിധേയമാക്കാനുള്ള തീവ്ര ശ്രമങ്ങൾ നടന്നുകൊണ്ടിരിക്കുകയാണെന്നാണ്പുറത്തുവരുന്ന റിപ്പോർട്ട്.
കാസ്റ്റൻഹീറ ഡെ പെറയേയും ഫിഗ്വീറോ ഡോ വിൻഹോസിനെയും ബന്ധിപ്പിക്കുന്ന റോഡിലാണ് കാട്ടുതീ ഉണ്ടായത്. മൂന്ന് പേർ പുക ശ്വസിച്ചും 16 പേർ കാട്ടുതീ ഉണ്ടായപ്പോൾ വാഹനങ്ങളിൽ പെട്ടുമാണ് മരിച്ചതെന്ന് സ്റ്റേറ്റ് ആഭ്യന്തര സെക്രട്ടറി ജോർജ് ഗോമസ്വ്യക്തമാക്കി.