മഞ്ജു വാര്യരും പൃഥ്വിരാജും ഒന്നിക്കുന്നു. വേണു സംവിധാനം ചെയ്യുന്ന പുതിയ ചിത്രത്തിലാണ് ഈ സര്‍പ്രൈസ് ജോഡി വരുന്നത്. ഗബ്രിയേലും മാലാഖമാരും എന്നാണ് ചിത്രത്തിന് പേരിട്ടിരിക്കുന്നത്.
ഒരു റൊമാന്‍റിക് ത്രില്ലറായിരിക്കും ഈ സിനിമ എന്നാണ് വിവരം. ഇതിന് മുമ്പ് ഫഹദ് ഫാസിലിനെ നായകനാക്കി ആയിരം കാണി എന്നൊരു സിനിമയും വേണു സംവിധാനം ചെയ്യുന്നുണ്ട്.
ദയ, മുന്നറിയിപ്പ് എന്നീ സിനിമകള്‍ക്ക് ശേഷം വേണുവിന്‍റെ പുതിയ പ്രൊജക്ടുകള്‍ പ്രഖ്യാപനം വന്നപ്പോഴേ പ്രേക്ഷകരുടെ ആകാംക്ഷ വര്‍ദ്ധിപ്പിച്ചിട്ടുണ്ട്.