രജനികാന്തിനെതിരെ ആഞ്ഞടിച്ച് സംവിധായകന്‍ രാം ഗോപാല്‍ വര്‍മ. അമിതാഭ് ബച്ചന്‍റെ ഏറ്റവും പുതിയ സിനിമയായ ‘ടീന്‍’ കണ്ടതിന് ശേഷമാണ് ബിഗ്ബിയെ പുകഴ്ത്തിയും രജനികാന്തിനെ ഇടിച്ചുതാഴ്ത്തിയും ആര്‍‌ജി‌വി രംഗത്തെത്തിയത്.
ഹീറോയിസം കൂടുതല്‍ കാണിക്കുന്ന സിനിമകളെക്കാള്‍ ‘ടീന്‍’ പോലുള്ള ചിത്രങ്ങളാണ് അമിതാഭ് ബച്ചന് ചെയ്യേണ്ടതെന്നാണ് രാം ഗോപാല്‍ വര്‍മ്മ പറയുന്നത്.
‘എന്തിരന്‍’ എന്ന ചിത്രം അമിതാഭ് ബച്ചനാണ് ചെയ്യുന്നതെങ്കില്‍ അത് രജനികാന്തിനെക്കാള്‍ ഗംഭീരമാകും. അതേസമയം, പികു, ടീന്‍, ബ്ലാക്ക് തുടങ്ങിയ സിനിമകള്‍ രജനികാന്ത് അഭിനയിച്ചാല്‍ അതൊരു തമാശയായിരിക്കും - രാമു പറയുന്നു.
കഴിവിന്‍റെ അടിസ്ഥാനത്തില്‍ അമിതാഭ് ബച്ചന് നൂറില്‍ നൂറുമാര്‍ക്കും കൊടുക്കുന്ന ആര്‍ ജി വി രജനികാന്തിന് നൂറില്‍ ഒരു മാര്‍ക്ക് മാത്രമാണ് നല്‍കുന്നത്.