വിജയുടെ 'ദളപതി 66' ഒരുങ്ങുകയാണ്. തമിഴ്-തെലുങ്ക് ഭാഷകളിലായി ഒരുങ്ങുന്ന സിനിമയെക്കുറിച്ചുള്ള പുതിയ വിവരങ്ങളാണ് പുറത്തുവരുന്നത്. വംശി പൈഡിപ്പള്ളി സംവിധാനം ചെയ്യുന്ന ചിത്രം ദില്‍ രാജുവാണ് നിര്‍മ്മിക്കുന്നത്. സംവിധായകന്‍ കൂടുതല്‍ സിനിമകള്‍ തെലുങ്കില്‍ ചെയ്തിട്ടുള്ളതിനാല്‍ 'ദളപതി 66' ടോളിവുഡ് പ്രേക്ഷകര്‍ക്ക് കൂടുതല്‍ ഇഷ്ടപ്പെടുന്ന രീതിയില്‍ ആയിരിക്കും നിര്‍മ്മിക്കുകയെന്ന അഭ്യൂഹങ്ങള്‍ അടുത്തിടെ ഉയര്‍ന്നിരുന്നു. അതിനാല്‍ തന്നെ വിജയ് കഥയില്‍ മാറ്റംവരുത്തിയോ ഇല്ലയോ എന്ന ചോദ്യമാണ് കോളിവുഡില്‍ നിന്ന് ഉയരുന്നത്. അതിനുള്ള ഉത്തരം സംവിധായകന്‍ തന്നെ ഒരു ഒരു അഭിമുഖത്തില്‍ നല്‍കി.
നിര്‍മ്മാതാവ് ദില്‍ രാജു വിജയുമായി കൂടിക്കാഴ്ച നടത്തിയപ്പോള്‍ സംവിധായകനും ഉണ്ടായിരുന്നു. വിജയമായി സമയം ചെലവഴിക്കാനായ സന്തോഷത്തിലായിരുന്നു വംശി പൈഡിപ്പള്ളി. അദ്ദേഹം പറഞ്ഞ കഥ നടന് ഇഷ്ടമായി. ഇപ്പോള്‍ വിജയ്ക്കൊപ്പമുള്ള ചിത്രത്തിന്റെ ഷൂട്ടിംഗ് ആരംഭിക്കാന്‍ തയ്യാറെടുക്കുകയാണ്. തമിഴ്-തെലുങ്ക് പ്രേക്ഷകര്‍ക്ക് ഇഷ്ടപ്പെടുന്ന മികച്ചൊരു തമിഴ് ചിത്രം ആയിരിക്കും ഇതെന്നാണ് പറയുന്നത്.
വിജയ് ഇപ്പോള്‍ നെല്‍സണ്‍ ദിലീപ്കുമാറിനൊപ്പമുള്ള 'ബീസ്റ്റ്' എന്ന സിനിമയുടെ ചിത്രീകരണത്തിലാണ്, ഡിസംബറോടെ ചിത്രത്തിന്റെ ഷൂട്ടിംഗ് പൂര്‍ത്തിയാകുമെന്നാണ് പ്രതീക്ഷിക്കുന്നത്.