നസ്രിയ ജന്മദിനം ആഘോഷമാക്കി.ദുല്‍ഖര്‍ സല്‍മാന്‍, പൃഥ്വിരാജ്, മഞ്ജു വാര്യര്‍ ഉള്‍പ്പെടെയുള്ളവര്‍ തങ്ങളുടെ അനിയത്തി കുട്ടിയായ നസ്രിയയ്ക്ക് ആശംസകള്‍ നേര്‍ന്നു. നടിയുടെ സഹോദരന്‍ നവീന്‍ നസീമിന്റെയും ഇതേ ദിവസമായിരുന്നു. ഇരുവരും ഒന്നിച്ച് കേക്ക് മുറിക്കുന്ന ചിത്രങ്ങള്‍ നസ്രിയ ഇന്‍സ്റ്റഗ്രാമില്‍ പങ്കുവെച്ചു. ഒരേ ദിവസം ജനിച്ചതാണെങ്കിലും ഇരുവരും ഇരട്ടകള്‍ അല്ല.
നസ്രിയയും താനും ഡിസംബര് 20 ജനിച്ചതെങ്കിലും ഇരട്ടകള്‍ അല്ലെന്നും ഒരു വര്‍ഷത്തെ വ്യത്യാസമുണ്ട് തങ്ങള്‍ക്കിടയില്‍ എന്നും നവീന്‍ പറഞ്ഞിരുന്നു. തന്റെ എക്കാലത്തെയും ഏറ്റവും മികച്ച പിറന്നാള്‍ സമ്മാനം അനിയന്‍ ആണെന്ന് നസ്രിയ പറയാറുണ്ട്.
'ഹാപ്പി ബര്‍ത്ത്ഡേ റോക്ക്സ്റ്റാര്‍സ്', നസ്രിയയ്ക്ക് പിറന്നാള്‍ ആശംസകള്‍ നേര്‍ന്നുകൊണ്ട് ഫഹദിന്റെ സഹോദരന്‍ ഫര്‍ഹാന്‍ സോഷ്യല്‍ മീഡിയയില്‍ എഴുതി. എന്റെ ബേബി സിസ്റ്ററിന് പിറന്നാള്‍ ആശംസകള്‍ എന്നാണ് പൃഥ്വിരാജ് കുറിച്ചത്. കുഞ്ഞി പെണ്ണേ എന്ന് വിളിച്ചുകൊണ്ടാണ് ദുല്‍ഖറിന്റെ ആശംസ.