നൂറിലധികം മദ്യക്കുപ്പികളുമായി നടി രമ്യാ കൃഷ്ണന് പിടിയില്‍. ചെന്നൈയിലെ ഇ സി ആര്‍ റോഡിലെ മുട്ടുകാട് വച്ചാണ് രമ്യയുടെ കാറില്‍ നിന്ന് മദ്യശേഖരം പിടികൂടിയത്. 96 ബീര്‍ കുപ്പികളും എട്ട് മദ്യക്കുപ്പികളുമാണ് പിടികൂടിയത്.
കാറില്‍ രമ്യയും സഹോദരി വിനയാ കൃഷ്‌ണനും ഡ്രൈവര്‍ സെല്‍‌വകുമാറുമാണ് ഉണ്ടായിരുന്നത്. മഹാബലിപുരത്തുനിന്ന് ചെന്നൈയിലേക്ക് വരികയായിരുന്നു ഇവര്‍. ഡോക്‍ടറെ അറസ്റ്റുചെയ്തശേഷം പിന്നീട് ജാമ്യത്തില്‍ വിട്ടയച്ചു.
ജയലളിതയുടെ ജീവിതം ആധാരമാക്കിയെടുത്ത ‘ക്വീന്‍’ എന്ന വെബ് സീരീസിലാണ് ഒടുവില്‍ രമ്യാ കൃഷ്ണന് പ്രത്യക്ഷപ്പെട്ടത്. ഗൌതം മേനോന്‍ സംവിധാനം ചെയ്‌ത ആ സീരീസിന്‍റെ രണ്ടാം സീസണിനെക്കുറിച്ച് രമ്യ അടുത്തിടെ സൂചനകള്‍ നല്‍കിയിരുന്നു.
ചെന്നൈ ഇപ്പോഴും ലോക്‍ഡൌണ്‍ പരിധിയിലായതിനാല്‍ മദ്യക്കടകള്‍ തുറക്കാന്‍ അനുമതിയില്ല. എന്നാല്‍ തമിഴ്‌നാട്ടിലെ മറ്റ് ജില്ലകളില്‍ മദ്യക്കടകള്‍ തുറന്നു പ്രവര്‍ത്തിക്കുന്നുണ്ട്.