വിഷ്ണു ഉണ്ണികൃഷ്ണന്‍- സാനിയ ഇയ്യപ്പന്‍ എന്നിവര്‍ കേന്ദ്ര കഥാപാത്രങ്ങളായെത്തിയ 'കൃഷ്ണന്‍കുട്ടി പണി തുടങ്ങി' കഴിഞ്ഞവര്‍ഷം ഏപ്രില്‍ 11നാണ് പ്രദര്‍ശനത്തിനെത്തിയത്. സീ ഫൈവ് ഒ.ടി.ടി പ്ലാറ്റ്‌ഫോമില്‍ റിലീസ് ചെയ്ത ചിത്രത്തിന് ഇന്നേക്ക് ഒരു വയസ്സ്. ഈ അവസരത്തില്‍ ഓരോരുത്തരോടും നന്ദി പറഞ്ഞ് സംവിധായകന്‍ സൂരജ് ടോം.
'1 YEAR OF KKPT കൃഷ്ണന്‍കുട്ടി പണി തുടങ്ങി എന്ന ഞങ്ങളുടെ സിനിമ ZEE 5 OTT Platform - ല്‍ release ചെയ്തിട്ട് ഒരു വര്‍ഷം തികയുന്നു. ഈ സിനിമയ്ക്ക് നിങ്ങള്‍ നല്‍കിയ വലിയ support ന് നന്ദി.. നന്ദി.. നന്ദി. സിനിമയെ അനുകൂലിച്ചും, പ്രതികൂലിച്ചും, വിശകലനം ചെയ്തും, വിലയിരുത്തിയും എല്ലാം നിങ്ങള്‍ ഓരോരുത്തരും നല്‍കിയ വിലയേറിയ അഭിപ്രായങ്ങളെ ഞങ്ങള്‍ മാനിക്കുന്നു. Thank you all...'-സൂരജ് ടോം കുറിച്ചു.
പാവ', 'എന്റെ മെഴുകുതിരി അത്താഴങ്ങള്‍' എന്നീ ചിത്രങ്ങള്‍ക്കു ശേഷം സൂരജ് ടോം സംവിധാനം ചെയ്ത ചിത്രമാണിത്. 'പ്രേതം' 'ഞാന്‍ മേരിക്കുട്ടി' എന്നീ ചിത്രങ്ങളുടെ സംഗീതസംവിധായകനായ ആനന്ദ് മധുസൂദനാണ് ഈ ചിത്രത്തിനായി തിരക്കഥയൊരുക്കുന്നത്.