തൃശൂര്‍ പൂരത്തിനിടെ ആനകളുടെ കണ്ണുകളിലേക്ക് ലേസര്‍ അടിച്ചതാണ് ആന ഓടാന്‍ കാരണമായതെന്ന് പാറമേക്കാവ് ദേവസ്വം. പൂരപറമ്പുകളില്‍ ലേസറുകള്‍ നിരോധിക്കണമെന്നും പാറമേക്കാവ് ദേവസ്വം ഭാരവാഹികള്‍ ആവശ്യപ്പെട്ടു. പൂരം എഴുന്നള്ളിപ്പില്‍ ആനകളെ ഉപയോഗിക്കുന്നതിന് എതിരുനില്‍ക്കുന്ന സംഘടനകളുടെ പങ്ക് അന്വേഷിക്കണം. ലേസര്‍ ഉപയോഗിച്ചവരുടെ റീലുകള്‍ നവമാധ്യമങ്ങളിലുണ്ട്. ഇത്തരം റീലുകള്‍ക്കെതിരെ പരാതി നല്‍കുമെന്നും ഭാരവാഹികള്‍ വ്യക്തമാക്കി.
