പ്ലസ് വണ്‍, പ്ലസ് ടു വിദ്യാര്‍ത്ഥിനികള്‍ക്ക് കാൻസർ പ്രതിരോധത്തിനായി എച്ച്പിവി വാക്സിന്, പുതിയ തീരുമാനവുമായി ആരോഗ്യവകുപ്പ്
ഗര്‍ഭാശയ കാന്‍സര്‍ മുക്ത കേരളം എന്ന ലക്ഷ്യത്തോടെ, സംസ്ഥാനത്ത് വ്യാപക കാന്‍സര്‍ പ്രതിരോധ പ്രവര്‍ത്തനങ്ങള്‍ നടന്നു വരികയാണ്. വാക്സിനേഷനുമായി ബന്ധപ്പെട്ടുള്ള അവബോധ ക്യാമ്പെയിനുകളും സംഘടിപ്പിക്കും. സ്‌കൂള്‍ തലത്തില്‍ കുട്ടികള്‍ക്കും രക്ഷിതാക്കള്‍ക്കും പ്രത്യേകം അവബോധം നല്‍കും.കാന്‍സര്‍ പ്രതിരോധ പ്രവര്‍ത്തനങ്ങളുടെ ഭാഗമായി സംസ്ഥാനത്ത് 'ആരോഗ്യം ആനന്ദം അകറ്റാം അര്‍ബുദം' എന്ന ജനകീയ ക്യാമ്പയിനും ആരംഭിച്ചിരുന്നു. ഇതിലൂടെ ഇതിനകം 17 ലക്ഷം ആളുകളെ സ്‌കാനിങ് ചെയ്തതായി ആരോഗ്യമന്ത്രാലയം പറയുന്നു.
ആരോഗ്യ വകുപ്പ് അഡീഷണല്‍ ചീഫ് സെക്രട്ടറി, എന്‍എച്ച്എം സ്റ്റേറ്റ് മിഷന്‍ ഡയറക്ടര്‍, എസ്.എച്ച്.എ. എക്സിക്യൂട്ടീവ് ഡയറക്ടര്‍, ആരോഗ്യ വകുപ്പ് ഡയറക്ടര്‍, മെഡിക്കല്‍ വിദ്യാഭ്യാസ വകുപ്പ് ഡയറക്ടര്‍, എംസിസി, സിസിആര്‍സി ഡയറക്ടര്‍മാര്‍, ആര്‍സിസി ഗൈനക്കോളജി വിഭാഗം മേധാവി, ആരോഗ്യ വകുപ്പ് ഡെപ്യൂട്ടി ഡയറക്ടര്‍മാര്‍, ആരോഗ്യ വകുപ്പിലെ മറ്റ് ഉദ്യോഗസ്ഥര്‍ എന്നിവര്‍ യോഗത്തില്‍ പങ്കെടുത്തു.
