ഇക്കഴിഞ്ഞ ഫെബ്രുവരിയിലായിരുന്നു കരീന കപൂറിനും സെയ്ഫ് അലി ഖാനും രണ്ടാമത്തെ കുട്ടി പിറന്നത്. ആദ്യത്തെ മകന് കൂട്ടായി അനിയന്‍ എത്തിയകാര്യം ഇരുവരും അറിയിച്ചശേഷം ആരാധകര്‍ ആകാംക്ഷയോടെ കാത്തിരിക്കുകയായിരുന്നു അവന്റെ പേര് കേള്‍ക്കാനായി.
ഇളയകുഞ്ഞിന് കരീനയും സെയ്ഫും പേരിട്ട വിവരം കരീനയുടെ പിതാവ് രണ്‍ധീര്‍ കപൂറാണ് അറിയിച്ചത്. 'ജെ' (Jeh) എന്നാണ് രണ്ടാമത്തെ കുട്ടിക്ക് പേര് നല്‍കിയിരിക്കുന്നത്. മൂത്തമകന്‍ തൈമൂറിന് അനിയനെ വലിയ സ്‌നേഹമാണ്. അവനെ കൈകളിലെടുത്ത് ഇരിക്കുന്ന ചേട്ടന്റെ ചിത്രവും അച്ഛനൊപ്പം അവന്റെ മുഖത്തേക്ക് നോക്കി നില്‍ക്കുന്ന ചിത്രവും നേരത്തെ തന്നെ വൈറലായിരുന്നു.