വിജയ്-ജ്യോതിക കൂട്ടുകെട്ടില്‍ ഒരു സിനിമ കണ്ടിട്ട് വര്‍ഷങ്ങള്‍ ഏറെയായി. ഈ കോംബോയില്‍ എത്തിയ ചിത്രങ്ങളെല്ലാം ഹിറ്റ്‌ലിസ്റ്റില്‍ ഇടം നേടി.ഖുഷി,തിരുമലെ തുടങ്ങിയ സൂപ്പര്‍ഹിറ്റുകള്‍ക്കു ശേഷം ഇരുവരും ഒന്നിക്കുന്നത് കാണാനായി കാത്തിരിക്കുകയായിരുന്നു കോളിവുഡ്.
20 വര്‍ഷങ്ങള്‍ക്കു ശേഷം വിജയ്-ജ്യോതിക ഒന്നിക്കുമെന്ന റിപ്പോര്‍ട്ടുകള്‍ നേരത്തെ പുറത്തുവന്നതാണ്.'ദ ഗോട്ട്'പ്രഖ്യാപിച്ചപ്പോളായിരുന്നു ഈ വാര്‍ത്തകള്‍ ഉയര്‍ന്നുവന്നത്. എന്നാല്‍ ജ്യോതിക ഈ കഥാപാത്രം ചെയ്യാന്‍ തയ്യാറായില്ല. തനിക്ക് അധികം പ്രാധാന്യമില്ലാത്ത കഥാപാത്രമായതിനാലാണ് നടിയുടെ പിന്മാറ്റം.ദ ഗോട്ടില്‍ നിന്നും മാത്രമല്ല വേറൊരു വിജയ് ചിത്രത്തിവും ജ്യോതിക വേണ്ടെന്നു വെച്ചിരുന്നു.
2017ല്‍ പുറത്തിറങ്ങിയ മെര്‍സല്‍ എന്ന ചിത്രത്തില്‍ ജ്യോതികയായിരുന്നു നായിക ആകേണ്ടിയിരുന്നത്. അറ്റ്ലി സംവിധാനം ചെയ്ത ചിത്രത്തില്‍ മൂന്ന് നായികമാരില്‍ ഒരാളായാണ് ജ്യോതികയെ ക്ഷണിച്ചത്. നിത്യ മേനോന്‍ ചെയ്ത കഥാപാത്രത്തെ ചെയ്യാന്‍ നടി താല്പര്യപ്പെട്ടില്ല.ALSO READ: വിവാഹമോചനത്തില്‍ തന്റെ കിഡ്‌നി തിരിച്ചു ചോദിച്ച് ഡോക്ടറായ ഭര്‍ത്താവ്
സ്വന്തം പ്രൊഡക്ഷനില്‍ തിരക്ക് ഉള്ളതിനാല്‍ ജ്യോതിക ഈ വേഷം വേണ്ടെന്ന് വയ്ക്കുകയായിരുന്നു. വിജയ്-ജ്യോതിക എന്ന ഹിറ്റ് ജോഡിയെ വീണ്ടും കാണാന്‍ പ്രേക്ഷകര്‍ ഇനിയും കാത്തിരിക്കേണ്ടിവരും.