ശബരിമലയിലെത്തുന്ന അയ്യപ്പഭക്തന്മാരെ സ്വാമി എന്ന് സംബോധന ചെയ്യണമെന്ന് പോലീസിന് കര്‍ശന നിര്‍ദേശം. പുതിയതായി ചുമതലയേല്‍ക്കുന്ന 1400 ഓളം പോലീസ് ഉദ്യോഗസ്ഥര്‍ക്ക് ആവശ്യമായ നിര്‍ദ്ദേശങ്ങള്‍ സ്‌പെഷ്യല്‍ ഓഫീസര്‍ കെ ഇ ബൈജു ആണ് നല്‍കിയത്. കാക്കി പാന്റ് ധരിച്ചെത്തുന്നവരെ പരിശോധന കൂടാതെ കടത്തി വിടരുതെന്നും തിരക്ക് നിയന്ത്രിക്കാന്‍ വടിയെടുക്കാന്‍ പാടില്ലെന്നും നിര്‍ദ്ദേശമുണ്ട്. ജോലി സമയത്ത് മൊബൈല്‍ ഫോണിലൂടെയുള്ള സാമൂഹിക മാധ്യമ ഉപയോഗം വിലക്കിയിട്ടുണ്ട്. അതേസമയം തിരക്ക് നിയന്ത്രണവിധേയമാക്കാന്‍ വിസില്‍ ഉപയോഗിക്കാമെന്നും നിര്‍ദ്ദേശത്തില്‍ പറയുന്നു.
