ശബരിമലയില്‍ പതിനെട്ടാം പടിക്ക് സമീപം പാമ്പിനെ കണ്ടെത്തി. ഇന്ന് രാവിലെ ഒന്‍പതരയോടെയാണ് സംഭവം. പാമ്പിനെ ആദ്യം കണ്ടത് ഡ്യൂട്ടിയില്‍ ഉണ്ടായിരുന്ന പോലീസുകാരാണ്. പതിനെട്ടാം പടിക്ക് താഴെ മഹാ കാണിക്ക ഭാഗത്തുനിന്നും അപ്പം-അരവണ കൗണ്ടറുകളിലേക്ക് പോകുന്ന അടിപ്പാതയുടെ പടിക്കെട്ടിന്റെ കൈവരിയിലാണ് പാമ്പിനെ കണ്ടെത്തിയത്. പാമ്പിനെ കണ്ടെത്തിയതിനെത്തുടര്‍ന്ന് ഇതുവഴിയുള്ള തീര്‍ത്ഥാടകരുടെ യാത്രയെ തടഞ്ഞു. പിന്നാലെ വനം വകുപ്പ് ഉദ്യോഗസ്ഥര്‍ ചേര്‍ന്ന് പാമ്പിനെ പിടികൂടി.
