സ്കൂൾ വിദ്യാർത്ഥിനിയെ തട്ടിക്കൊണ്ട് പോയി പീഡിപ്പിച്ചു. രാജസ്ഥാനിലെ കോട്ടയിലാണ് സംഭവം. സംഭവത്തിൽ പെൺകുട്ടിയുടെ ഫെയ്സ്ബുക്ക് സുഹൃത്തും കൂട്ടാളിയേയും പൊലീസ് കസ്റ്റഡിയിൽ എടുത്തിട്ടുണ്ട്. ഇരുവരും പെൺകുട്ടിയെ ആളൊഴിഞ്ഞ വീട്ടിൽ എത്തിച്ച് നാലുദിവസത്തോളം പീഡിപ്പിക്കുകയായിരുന്നു.
സ്വകാര്യ സ്കൂളിൽ പതിനൊന്നാം ക്ലാസ് വിദ്യാർഥിനിയായ പതിനാറുകാരിയാണു പീഡനത്തിനിരയായത്. പങ്കജ് ദോബി (22)യെന്ന വിദ്യാർത്ഥിയെ ആണ് പൊലീസ് അറസ്റ്റ് ചെയ്തത്. ഏപ്രിൽ ആദ്യമാണ് പങ്കജ് ഫെയ്സ്ബുക്കിലൂടെ പെൺകുട്ടിയെ പരിചയപ്പെട്ടത്.
ശേഷം ചാറ്റിങ്ങിലൂടെയും ഫോൺ വിളികളിലൂടെയും ഇരുവരും തമ്മിൽ അടുത്തു. ഏപ്രിൽ 24ന് സ്കൂളിലേക്കു പോകുമ്പോൾ ഇരുവരും തമ്മിൽ കണ്ടിരുന്നു. സ്കൂട്ടറിൽ പോകാമെന്ന് പങ്കജ് പറഞ്ഞതിനെ തുടർന്ന് അവനൊപ്പം പോയ പെൺകുട്ടിയെ നഗരത്തിലൂടെ കറങ്ങിയതിനുശേഷം ഒഴിഞ്ഞ മുറിയിലേക്കു കൊണ്ടുപോയി. ഇവിടെ തടവിലാക്കി നാലുദിവസം പെൺകുട്ടിയെ പങ്കജും സുഹൃത്ത് ദിനേഷും ചേർന്ന് പീഡിപ്പിക്കുകയായിരുന്നു.