89 റണ്‍സിനാണ് ഇന്ത്യൻ ടീം പാകിസ്ഥാനെ കെട്ടുകെട്ടിച്ചത്. ലോകകപ്പില്‍ ഇന്ത്യക്കെതിരേ പാകിസ്താന് നേരിട്ട തുടര്‍ച്ചയായ ഏഴാമത്തെ തോല്‍വിയായിരുന്നു ഇത്. ഇന്ത്യയോടേറ്റ് വാങ്ങേണ്ടി വന്ന തോൽ‌വിക്ക് ശേഷം ആത്മഹത്യ ചെയ്യുന്നതിനെ കുറിച്ച് പോലും ചിന്തിച്ചിരുന്നുവെന്ന് തുറന്ന് പറയുകയാണ് പാക് കോച്ച് മിക്കി ആര്‍തര്‍.
ആറു മല്‍സരങ്ങളില്‍ നിന്നും അഞ്ചു പോയിന്റാണ് പാകിസ്ഥാനിപ്പോഴുള്ളത്. ശേഷിച്ച മൂന്നു മല്‍സരങ്ങളിലും ജയിച്ചാല്‍ മാത്രമേ പാകിസ്താന് സെമിയിലെത്താന്‍ കഴിയുകയുള്ളൂ. ന്യൂസിലാന്‍ഡ്, അഫ്ഗാനിസ്താന്‍, ബംഗ്ലാദേശ് എന്നിവര്‍ക്കെതിരേയാണ് പാകിസ്താന്റെ ശേഷിച്ച മല്‍സരങ്ങള്‍.
