അക്ഷയ് കൊടുങ്കാറ്റില്‍ ജമ്മുവിന്റെ കടപുഴകി; ര​ഞ്ജി ട്രോ​ഫിയില്‍ കേരളത്തിന് ത്രസിപ്പിക്കുന്ന ജയം

ര​ഞ്ജി ട്രോ​ഫി ക്രി​ക്ക​റ്റി​ൽ സീ​സ​ണി​ലെ മൂ​ന്നാം വി​ജ​യവുമായി കേരളം. തുമ്പ സെ​ന്‍റ് സേ​വ്യേ​ഴ്സ് കോ​ള​ജ് ഗ്രൗ​ണ്ടി​ൽ ന​ട​ന്ന മ​ത്സ​ര​ത്തി​ൽ ജ​മ്മു കശ്മീ​രി​നെതിരെ 158 റ​ണ്‍​സിനായിരുന്നു കേരളത്തിന്റെ ജയം. 

238 റണ്‍സ് എന്ന വിജയലക്ഷ്യവുമായി രണ്ടാം ഇന്നിംഗ്‌സില്‍ ബാറ്റിങ്ങിനിറങ്ങിയ കശ്മീരിന് കേവലം 79 റണ്‍സ് മാത്രമേ നേടാന്‍ കഴിഞ്ഞുള്ളൂ. അഞ്ച് വിക്കറ്റ് വീഴ്ത്തിയ കേരള താരം അക്ഷയ് കെസിയാണ് കേരളത്തിനായി തകര്‍പ്പന്‍ ജയം ഒരുക്കിയത്. ജ​യ​ത്തോ​ടെ കേ​ര​ളം ക്വാ​ർ​ട്ട​ർ പ്ര​തീ​ക്ഷ​ക​ൾ സ​ജീ​വ​മാ​ക്കി. 

അക്ഷയ്ക്ക് പുറമെ രണ്ട് വിക്കറ്റ് വീതം വീഴ്ത്തിയ നിതീഷ്, സിജുമോന്‍ ജോസഫ് എന്നിവരും ജമ്മുകശ്മീര്‍ കുരുതിയില്‍ പങ്കാളികളായി. അഞ്ച് ഓവര്‍ മാത്രം എറിഞ്ഞ ബേസില്‍ തമ്പി ഒരു ഒരു വിക്കറ്റും വീഴ്ത്തി. കേ​ര​ളം ര​ണ്ടാം ഇ​ന്നിം​ഗ്സി​ൽ 191 റ​ണ്‍​സിനാണ് എ​ല്ലാ​വ​രും പു​റ​ത്താ​യത്.

58 റ​ണ്‍​സ് നേ​ടി​യ രോ​ഹ​ൻ പ്രേം ​ആ​ണ് ര​ണ്ടാം ഇ​ന്നിം​ഗ്സി​ൽ കേ​ര​ള​ത്തി​ന്‍റെ ടോ​പ് സ്കോ​റ​ർ. ആ​ദ്യ ഇ​ന്നിം​ഗ്സി​ൽ സെ​ഞ്ചു​റി നേ​ടി​യ സ​ഞ്ജു സാം​സ​ണ്‍ ര​ണ്ടാം ഇ​ന്നിം​ഗ്സി​ൽ ര​ണ്ടു റ​ണ്‍​സി​നു പു​റ​ത്താകുകയും ചെയ്തു.  ഈ ​സീ​സ​ണി​ൽ മൂ​ന്നു ക​ളി​യി​ൽ ര​ണ്ടു വി​ജ​യ​വു​മാ​യി കേ​ര​ളം ഇ​തി​ന​കം 12 പോ​യി​ന്‍റ് നേ​ടി​യി​രു​ന്നു.