ടി20 ലോകകപ്പില്‍ ഇന്ത്യ സൂപ്പര്‍ 8 യോഗ്യത ഉറപ്പാക്കിയ സാഹചര്യത്തില്‍ മലയാളി വിക്കറ്റ് കീപ്പര്‍ താരമായ സഞ്ജു സാംസണെ ഇന്ത്യ കളിപ്പിക്കാന്‍ സാധ്യതയുള്ളതായി വിലയിരുത്തി മുന്‍ ഇന്ത്യന്‍ താരമായ വസീം ജാഫര്‍. ജൂണ്‍ 15 ശനിയാഴ്ച കാനഡയ്ക്കെതിരെ നടക്കുന്ന മത്സരത്തില്‍ സഞ്ജുവിന് അവസരം ലഭിച്ചേക്കുമെന്നാണ് വസീം ജാഫറിന്റെ അഭിപ്രായം.
ലോകകപ്പില്‍ ഇന്ത്യ ഇതുവരെ 3 മത്സരങ്ങള്‍ കളിച്ചെങ്കിലും സഞ്ജുവിന് ഇതുവരെയും അവസരം ലഭിച്ചിരുന്നില്ല. ഈ സാഹചര്യത്തിലാണ് കാനഡയ്ക്കെതിരെ സഞ്ജുവിനെ ഇന്ത്യ സുപ്രധാനമായ റോളില്‍ കളിപ്പിക്കാന്‍ സാധ്യതയുള്ളതായി വസീം ജാഫര്‍ പറയുന്നത്. സഞ്ജു സാംസണെ ടീം നാലാം നമ്പറില്‍ പരിഗണിക്കാന്‍ സാധ്യതയുണ്ട്. എന്നാല്‍ ശിവം ദുബെയ്ക്ക് കൂടുതല്‍ അവസരങ്ങള്‍ നല്‍കാനും ടീം മാനേജ്‌മെന്റ് ആഗ്രഹിക്കുന്നുണ്ടാകും. സഞ്ജുവിനെയും ജയ്‌സ്വാളിനെയും കളിപ്പിച്ചാല്‍ ടീമില്‍ എന്ത് മാറ്റം വരുത്താമെന്ന് ടീം മാനേജ്‌മെന്റാണ് തീരുമാനിക്കേണ്ടത്.
