ഇംഗ്ലണ്ട് പര്യടനത്തിലെ ട്വന്റി 20, ഏകദിന പരമ്പരകള്‍ക്കുള്ള ഇന്ത്യന്‍ ടീമിനെ പ്രഖ്യാപിച്ചു. മൂന്ന് വീതം ട്വന്റി 20, ഏകദിന മത്സരങ്ങളാണ് ജൂലൈ ഏഴ് മുതല്‍ നടക്കുക.
ആദ്യ ട്വന്റി 20 മത്സരത്തിനുള്ള ടീമില്‍ മലയാളി താരം സഞ്ജു സാംസണ്‍ ഇടംപിടിച്ചു. വിരാട് കോലി അടക്കമുള്ള സീനിയര്‍ താരങ്ങള്‍ ടെസ്റ്റ് മത്സരം കഴിഞ്ഞ് രണ്ടാം ട്വന്റി 20 മുതലാണ് ടീമിനൊപ്പം ചേരുക. അതുകൊണ്ട് ഒന്നാം ട്വന്റി 20 മത്സരത്തിന് വ്യത്യസ്തമായ സ്‌ക്വാഡിനെയാണ് പ്രഖ്യാപിച്ചിരിക്കുന്നത്. രണ്ടും മൂന്നും ട്വന്റി 20 മത്സരത്തിന് മറ്റൊരു സ്‌ക്വാഡും.