ഇന്ത്യൻ ക്രിക്കറ്റിലെ തൻ്റെ രണ്ടാം വരവിൽ തൻ്റെ വിമർശകർക്ക് ബാറ്റ് കൊണ്ട് മറുപടി നൽകുന്ന തിരക്കിലാണ് മലയാളി താരം സഞ്ജു സാംസൺ. 2022ൽ ടി20യിലും ഏകദിനത്തിലും മികച്ച പ്രകടനമാണ് താരം കാഴ്ചവെയ്ക്കുന്നത്. മികച്ച തുടക്കത്തിന് ശേഷം വിക്കറ്റ് വലിച്ചെറിയുന്നു എന്ന പരാതിക്ക് സഞ്ജു പരിഹാരം കണ്ടതോടെ ക്രിക്കറ്റ് ലോകത്ത് നിന്നും ഏറെ പ്രശംസയാണ് താരത്തിന് ലഭിക്കുന്നത്.
ഇപ്പോഴിതാ ദക്ഷിണാഫ്രിക്കയ്ക്കെതിരായ ഏകദിനപരമ്പരയിലെ താരത്തിൻ്റെ പ്രകടനത്തെ പുകഴ്ത്തി രംഗത്ത് വന്നിരിക്കുകയാണ് ഇന്ത്യയുടെ സീനിയർ സ്പിന്നറായ രവിചന്ദ്ര അശ്വിൻ. നിലവിലെ പ്രകടനം അവന് വളരെ ആത്മവിശ്വാസം നൽകിയിട്ടുണ്ട്. മികച്ച താരം മാത്രമല്ല നല്ലൊരു മനുഷ്യനാണ് അദ്ദേഹം. ശാന്തനാണ്. അസാധാരണ പ്രതിഭയാണ്. അതെല്ലാവർക്കും അറിയുന്ന കാര്യമാണ്.
