അപൂര്‍വ റെക്കോര്‍ഡ് സ്വന്തമാക്കി ഇന്ത്യ-ന്യൂസിലന്‍ഡ് രണ്ടാം ട്വന്റി 20 മത്സരം. ഐസിസിയുടെ പൂര്‍ണ അംഗത്വമുള്ള രാജ്യങ്ങള്‍ തമ്മിലുള്ള രാജ്യാന്ത ടി 20 മത്സരങ്ങളില്‍ കൂടുതല്‍ പന്തുകള്‍ കളിച്ചിട്ടും ഒറ്റ സിക്‌സ് പോലും പിറക്കാത്ത ആദ്യ മത്സരമെന്ന റെക്കോര്‍ഡാണ് ലഖ്‌നൗ ടി 20 യില്‍ പിറന്നത്. ഇന്ത്യക്കും ന്യൂസിലന്‍ഡിനും മത്സരത്തില്‍ ഒരു സിക്‌സ് പോലും നേടാന്‍ സാധിച്ചില്ല. ഇരു ടീമുകളും ചേര്‍ന്ന് 39.5 ഓവര്‍ കളിച്ചു. അതായത് 239 പന്തുകള്‍. എന്നാല്‍ ഒരു താരത്തിനു പോലും സിക്‌സ് നേടാന്‍ സാധിച്ചില്ല.
