ചാമ്പ്യന്‍സ് ട്രോഫി ടൂര്‍ണമെന്റിനുള്ള ഇന്ത്യന്‍ ടീമിന്റെ ജേഴ്‌സിയില്‍ ആതിഥേയരായ പാകിസ്ഥാന്റെ പേരുണ്ടാകില്ലെന്ന് അഭ്യൂഹങ്ങള്‍.ഇത് വ്യക്തമാക്കുന്ന ജേഴ്‌സിയുടെ ചിത്രം സമൂഹമാധ്യമങ്ങളില്‍ വ്യാപകമായാണ് പ്രചരിക്കുന്നത്. ചിത്രം വൈറലായതോടെ ബിസിസിഐയ്‌ക്കെതിരെ രൂക്ഷവിമര്‍ശനമുയര്‍ത്തി പാകിസ്ഥാന് ക്രിക്കറ്റ് ബോര്‍ഡ് രംഗത്തെത്തി. ബിസിസിഐ ക്രിക്കറ്റില്‍ രാഷ്ട്രീയം കലര്‍ത്തുകയാണെന്നും ഇത് നല്ലതിനല്ലെന്നും പിസിബി പ്രതിനിധി ഒരു രാജ്യാന്തര മാധ്യമത്തോട് പ്രതികരിച്ചു.
