ഏകദിനത്തില്‍ സച്ചിന്‍ ടെന്‍ഡുല്‍ക്കറുടെ റെക്കോര്‍ഡ് നേട്ടങ്ങള്‍ തകര്‍ത്തെറിഞ്ഞുകൊണ്ട് മുന്നേറുകയാണ് ഇന്ത്യയുടെ സൂപ്പര്‍ താരമായ വിരാട് കോലി. 35ക്കാരനായ കോലി അടുത്ത ഏകദിന ലോകകപ്പില്‍ ടീമിലുണ്ടാകുമോ എന്ന കാര്യത്തിലടക്കം സംശയങ്ങളുണ്ട്. എന്നാല്‍ നിലവിലെ ഫോമും ഫിറ്റ്‌നസും പരിഗണിക്കുമ്പോള്‍ 5-7 വര്‍ഷം കൂടെ കളിക്കാന്‍ കോലിയ്ക്ക് സാധിക്കുമെന്നാണ് ആരാധകരും ക്രിക്കറ്റ് ലോകവും കരുതുന്നത്. ഇക്കാര്യം ശരിവെച്ചിരിക്കുകയാണ് ഇതിഹാസതാരമായ സച്ചിന്‍ ടെന്‍ഡുല്‍ക്കര്‍.
രാജ്യത്തിനായി അത്ഭുതകരമായ നേട്ടങ്ങള്‍ കോലി സ്വന്തമാക്കിയിട്ടുണ്ട്. അദ്ദേഹത്തിന് അത് ചെയ്യാന്‍ കഴിഞ്ഞതില്‍ എനിക്ക് അതിയായ സന്തോഷമുണ്ട്. കോലി അവന്റെ യാത്ര നിര്‍ത്തിയിട്ടില്ലെന്ന് എനിക്ക് ഉറപ്പുണ്ട്. ഇനിയും ഒരുപാട് ക്രിക്കറ്റ് അവനില്‍ ബാക്കിയുണ്ട്. രാജ്യത്തിനായി കൂടുതല്‍ നേടാനുള്ള ആഗ്രഹവും അവനിലുണ്ട്. സച്ചിന്‍ പറഞ്ഞു.