മലയാളി താരം സഞ്ജു സാംസണെ പുകഴ്ത്തി സോഷ്യല് മീഡിയ. ദക്ഷിണാഫ്രിക്കയ്ക്കെതിരായ രണ്ടാം ഏകദിനത്തിലെ സഞ്ജുവിന്റെ സെന്സിബിള് ഇന്നിങ്സിന് പിന്നാലെയാണ് ആരാധകര് സഞ്ജുവിനെ പുകഴ്ത്തി രംഗത്തെത്തിയത്. സാഹചര്യം നോക്കി ബാറ്റ് ചെയ്യുന്ന രീതിയിലേക്ക് സഞ്ജു മാറിക്കഴിഞ്ഞെന്ന് ആരാധകര് പറയുന്നു.
രണ്ടാം ഏകദിനത്തില് 36 പന്തില് 30 റണ്സുമായി സഞ്ജു പുറത്താകാതെ നിന്നു. മറുവശത്തുണ്ടായിരുന്ന ശ്രേയസ് അയ്യര്ക്ക് കൃത്യമായി സ്ട്രൈക്ക് റൊട്ടേറ്റ് ചെയ്ത് കളിക്കാന് സഞ്ജു ശ്രദ്ധിച്ചിരുന്നു. വളരെ ശ്രദ്ധയോടെയാണ് സഞ്ജു ബാറ്റ് ചെയ്തത്.