രണ്ടാം ടെസ്റ്റില്‍ തന്നെ നോക്കി പേടിപ്പിക്കാന്‍ ശ്രമിച്ച ദക്ഷിണാഫ്രിക്കന്‍ പേസര്‍ മാര്‍ക്കോ ജാന്സണ് പലിശ സഹിതം കൊടുത്ത് ഇന്ത്യന്‍ ബൗളര്‍ ജസ്പ്രീത് ബുംറ. കേപ്ടൗണ്‍ ടെസ്റ്റിന്റെ രണ്ടാം ദിനമായ ഇന്നലെ മാര്‍ക്കോ ജാന്‍സണെ ക്ലീന്‍ ബൗള്‍ഡ് ആക്കിയത് ബുംറയാണ്. ജാന്‍സണെ പുറത്താക്കിയ ശേഷമുള്ള ബുംറയുടെ നോട്ടമാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. ബുംറയുടെ പന്തില്‍ ജാന്സണ് ക്ലീന്‍ ബൗള്‍ഡ് ആയത് മാത്രമല്ല ആ സ്റ്റംപ് വായുവില്‍ കറങ്ങി നിലംപൊത്തിയ കാഴ്ചയാണ് ഏറ്റവും മനോഹരം. ബുംറയുടെ മുഖത്ത് പോലും നോക്കാതെയാണ് ജാന്സണ് കൂടാരം കയറിയത്.