ഡൽഹി ക്യാപിറ്റൽസാണ് രഹാനെയെ സ്വന്തമാക്കിയത്. രഹാനെയ രാജസ്ഥാൻ ഡൽഹിക്ക് കൈമാറിയ വിവരം പുറത്തുവന്നതോടെ സോഷ്യൽ മീഡിയകളിൽ ഇത് വൻ ചർച്ചയ്ക്ക് ഇടയാക്കി. ആരാധകർ ഇരുചേരികളിലും നിന്ന് അവരുടെ സംശയങ്ങളുമുന്നയിച്ചു. രഹാനെയെ വിറ്റ് ആരാധകരെ ഞെട്ടിച്ച രാജസ്ഥാൻ റോയൽസിനോട് ട്വിറ്ററിലൂടെ ഒരു ആരാധകൻ ചോദിച്ച സംശയം വൈറലായിരിക്കുകയാണ്.
രാജസ്ഥാൻ റോയൽസിനെ ടാഗ് ചെയ്ത് ‘സഞ്ജു സാംസണിനെ റോയല് ചാലഞ്ചേഴ്സ് ബാംഗ്ലൂരിന് വിൽക്കാൻ താൽപര്യമുണ്ടോ?’ എന്നായിരുന്നു ആരാധകന്റെ ചോദ്യം. വെടിക്കെട്ട് ബാറ്റ്സ്മാൻ ആയ രഹാനെയെ യാതോരു ദാക്ഷിണ്യവുമില്ലാതെ വിട്ടുകളഞ്ഞപ്പോൾ ടീമിലെ തന്നെ മറ്റൊരു പ്രമുഖ താരമായ സഞ്ജുവിനെ വിൽക്കാൻ തയ്യാറാണോയെന്ന് ആരാധകൻ ചോദിച്ചത്.
എന്നാൽ, തൊട്ടുപിന്നാലെ മറുപടിയുമായി റോയൽ ചാലഞ്ചേഴ്സ് രംഗത്തെത്തി. ‘മിസ്റ്റർ നാഗിനെ നിങ്ങൾക്കു തരാം’ എന്നു കുറിച്ചെങ്കിലും പിന്നാലെ മറ്റൊരു കാര്യവും എടുത്ത് പറയുന്നുണ്ട്. ‘നിങ്ങൾക്ക് തന്നാലും പതുക്കെ അദ്ദേഹം ഇവിടേക്ക് തന്നെ തിരിച്ചെത്തുമെന്ന് ഞങ്ങൾക്കറിയാം’- എന്നും കുറിച്ചു.
