ലോകമെമ്പാടുമുള്ള സിനിമാ പ്രേമികള്‍ ആകാംക്ഷയോടെ കാത്തിരുന്ന 94മത് ഓസ്‌കാര്‍ പ്രഖ്യാപനത്തില്‍ സൈ-ഫൈ ചിത്രം 'ഡ്യൂണ്‍' അവാര്‍ഡുകള്‍ വാരിക്കൂട്ടി. 10 വിഭാഗങ്ങള്‍ക്കുള്ള നോമിനേഷനുകളില്‍ 6 പുരസ്‌കാരങ്ങളും ചിത്രം സ്വന്തമാക്കി.
മികച്ച വിഷ്വല്‍ ഇഫക്റ്റ്‌സ്, മികച്ച ചിത്രസംയോജനം, മികച്ച പ്രൊഡക്ഷന്‍ ഡിസൈന്‍, മികച്ച സംഗീതം, മികച്ച സൗണ്ട്, ഛായാഗ്രഹണം എന്നിങ്ങനെയുള്ള 6 വിഭാഗങ്ങളില്‍ ചിത്രത്തിന് പുരസ്‌കാരമുണ്ട്.
ഗ്രീഗ് ഫ്രേസര്‍ മികച്ച ഛായാഗ്രഹകനും ജോ വാക്കറിന്‍ മികച്ച ചിത്രസംയോജനത്തിനുളള ഓസ്‌കാര്‍ നേടി. മികച്ച ശബ്ദത്തിലുള്ള പുരസ്‌കാരം മാക് റൂത്ത്, മാര്‍ക്ക് മാങ്കിനി, ദിയോ ഗ്രീന്‍, ഡഗ് ഹെംഫില്‍, റോണ്‍ ബാര്‍ട്‌ലെറ്റ് എന്നിവരാണ് ഡ്യൂണിലൂടെ നേടിയത്.