ടോവിനോ തോമസിന്റെ 'കാണെക്കാണെ'യ്ക്ക് ശേഷം ഐശ്വര്യ ലക്ഷ്മി 'അർച്ചന 31 നോട്ട് ഔട്ട്' എന്ന ചിത്രത്തിൻറെ ഷൂട്ടിംഗ് സംഘത്തിനൊപ്പം ചേർന്നു. നവാഗതനായ അഖിൽ അനിൽകുമാർ സംവിധാനം ചെയ്യുന്ന ചിത്രത്തിൻറെ ചിത്രീകരണം പാലക്കാട് പുരോഗമിക്കുകയാണ്. സംവിധായകനും നിർമ്മാതാവുമായ മാർട്ടിൻ പ്രക്കാട്ട്, സിബി ചവര, രഞ്ജിത്ത് നായർ എന്നിവർ ചേർന്നാണ് ചിത്രം നിർമ്മിക്കുന്നത്.
അജയ് വിജയൻ, വിവേക്ചന്ദ്രൻ എന്നിവർക്കൊപ്പം സംവിധായകൻ അഖിലും ചേർന്നാണ് ചിത്രത്തിനായി തിരക്കഥ ഒരുക്കിയിരിക്കുന്നത്. രജത് പ്രകാശ്, മാത്തൻ എന്നിവർ ചേർന്നാണ് ചിത്രത്തിനായി സംഗീതം ഒരുക്കുന്നത്.