മലയാളികളുടെ പ്രിയപ്പെട്ട നടിയാണ് സുഹാസിനി. മമ്മൂട്ടി, മോഹന്‍ലാല്‍, സുരേഷ് ഗോപി തുടങ്ങി മലയാളത്തിലെ പ്രമുഖ നായകന്‍മാര്‍ക്കൊപ്പമെല്ലാം അഭിനയിച്ച സുഹാസിനി തമിഴിലും നിരവധി സിനിമകളില്‍ അഭിനയിച്ചു. സുഹാസിനിയുടെ ജന്മദിനമാണ് ഇന്ന്. 1961 ഓഗസ്റ്റ് 15 നാണ് സുഹാസിനി ജനിച്ചത്. അതായത് താരത്തിന്റെ 60-ാം ജന്മദിനമാണ് ഇന്ന്.
1983 ല്‍ പത്മരാജന്‍ ചിത്രം കൂടെവിടെയില്‍ മമ്മൂട്ടിയുടെ നായികയായാണ് സുഹാസിനി മലയാളത്തില്‍ അരങ്ങേറിയത്. മലയാളം, തെലുങ്ക്, തമിഴ് സിനിമകളില്‍ അഭിനയിച്ച സുഹാസിനി ദേശീയ അവാര്‍ഡ് അടക്കം ഒട്ടേറെ പുരസ്‌കാരങ്ങള്‍ നേടിയിട്ടുണ്ട്. പ്രശസ്ത സിനിമ സംവിധായകന്‍ മണിരത്‌നമാണ് സുഹാസിനിയുടെ ജീവിതപങ്കാളി.