ഉപഭോക്താക്കള്‍ക്ക് പുതിയൊരു ഓഫറുമായി രാജ്യത്തെ പ്രമുഖ ടെലികോം ഓപ്പറേറ്റര്‍മാരായ ഐഡിയ. 179 രൂപയുടെ റീച്ചാര്‍ജ്ജ് ഓഫറാണ് ഐഡിയ ഇപ്പോള്‍ ഉപഭോക്താക്കള്‍ക്ക് വാഗ്ദാനം ചെയ്തിരിക്കുന്നത്. 179 രൂപയ്ക്ക് റീച്ചാര്‍ജ്ജ് ചെയ്താല്‍ ലോക്കല്‍/ എസ്റ്റിഡി കോളുകളോടൊപ്പം ഒരു ജിബി ഡാറ്റയും ലഭിക്കും. ഈ പുതിയ റീച്ചാര്‍ജ്ജ് പാക്ക് രാജ്യത്തെ എല്ലാ പ്രീപെയ്ഡ് ഉപഭോക്താക്കള്‍ക്കും ലഭ്യമാണ്.
മറ്റൊരു പുതിയ ഓഫറും ഐഡിയ അവതരിപ്പിച്ചിട്ടുണ്ട്. 349 രൂപയ്ക്ക് റീച്ചാര്‍ജ്ജ് ചെയ്യുകയാണെങ്കില്‍ 1.5ജിബി ഡാറ്റയാണ് പ്രതി ദിനം ലഭിക്കുക. 28 ദിവസം നീണ്ടു നില്‍ക്കുന്ന വാലിഡിറ്റിയില്‍ 42ജിബി ഡാറ്റയാണ് മുഴുവനായി ലഭിക്കുന്നത്. എന്നാല്‍ ഇതേ പ്ലാനില്‍ ചില ഉപഭോക്താക്കള്‍ക്ക് 56 ദിവസവും 70 ദിവസവും 84 ദിവസവുമെല്ലാം വാലിഡിറ്റിയും ലഭിക്കുന്നുണ്ട്.
