രൂപയുടെ മൂല്യത്തില്‍ മുന്നേറ്റം

യു എസ് ഡോളറിനെതിരെ രൂപയുടെ മൂല്യത്തില്‍ മുന്നേറ്റം. ചൊവ്വാഴ്ച ഏഴ് പൈസയുടെ മുന്നേറ്റമാണ് വിപണിയില്‍ രേഖപ്പെടുത്തിയിരിക്കുന്നത്.

ഫൊറെക്സ് വിപണിയില്‍ ആഭ്യന്തര കറന്‍സിയുടെ മൂല്യം ഡോളറിന് 45.15 രൂപയെന്ന നിലയിലാണ് ഇപ്പോള്‍ വ്യാപാരം നടക്കുന്നത്.കഴിഞ്ഞ ദിവസം രൂപ 21 പൈസയുടെ നഷ്ടത്തോടെ 45.22/23 എന്ന നിലയിലായിരുന്നു വ്യാപാരം അവസാനിപ്പിച്ചത്.

മറ്റു കറന്‍സികള്‍ക്കെതിരെ ഡോളറിന്റെ മൂല്യത്തില്‍ ഇടിവ് വന്നതാണ് രൂപയ്ക്ക് ഗുണമായത്. ആഭ്യന്തരവിപണി തുടക്കത്തില്‍ നേട്ടത്തിന്റെ പാതയിലാണെന്നതും രൂപയ്ക്ക് തുണയായി.