വന്ദേഭാരത് ട്രെയിനില്‍ വിതരണം ചെയ്ത ഭക്ഷണത്തില്‍ ചെറുപ്രാണികളെ കണ്ടെത്തി. തിരുനെല്‍വേലി വന്ദേഭാരത് എക്‌സ്പ്രസിലാണ് സാമ്പാറില്‍ നിന്ന് ചെറുപ്രാണികളെ ലഭിച്ചത്. ദക്ഷിണ റെയില്‍വേ യാത്രക്കാരോടു മാപ്പ് ചോദിക്കുകയും ഭക്ഷണ വിതരണ ഏജന്‍സിക്കു അരലക്ഷം രൂപ പിഴ ചുമത്തുകയും ചെയ്തു. കഴിഞ്ഞ ശനിയാഴ്ച പ്രഭാതഭക്ഷണത്തോടൊപ്പം വിളമ്പിയ സാമ്പാറിലാണ് യാത്രക്കാരന്‍ പ്രാണിയെ കണ്ടെത്തിയത്. മധുരയില്‍നിന്ന് ട്രെയിന്‍ പുറപ്പെട്ടതിനു തൊട്ടുപിന്നാലെ ഇദ്ദേഹം പരാതി നല്‍കി.
പരാതി ലഭിച്ചതിനു പിന്നാലെ ദക്ഷിണ റെയില്‍വേയിലെ ഓണ്‍ബോര്‍ഡ് മാനേജര്‍, ചീഫ് കേറ്ററിങ് ഇന്‍സ്പെക്ടര്‍ (സിഐആര്‍), ചീഫ് കമേഴ്സ്യല് ഇന്‍സ്പെക്ടര്‍ (സിസിഐ), അസിസ്റ്റന്റ് കമേഴ്സ്യല് മാനേജര്‍ (എസിഎം) എന്നിവര്‍ തിരുനെല്‍വേലി ബേസ് കിച്ചണില്‍ പരിശോധന നടത്തി. പരിശോധിച്ചപ്പോള്‍ കാസ്‌റോള്‍ കണ്ടെയ്നറിന്റെ അടപ്പില്‍ ഇത്തരം പ്രാണികളുള്ളതായി കണ്ടെത്തി. തുടര്‍ന്നാണു നടപടിയെടുത്തത്.
