ഫാബ്രിഗസിനെയും റാഞ്ചാന്‍ ചെല്‍‌സി

ടോറസിന് പിന്നാലെ മറ്റൊരു വന്‍ താരത്തെയും റാഞ്ചാന്‍ ചെല്‍‌സി തയ്യാറെടുക്കുന്നു. ആര്‍സനല്‍ ക്യാപ്റ്റന്‍ സെസ് ഫാബ്രിഗസിനെ വലയിലാക്കാനാണ് ചെല്‍സി പദ്ധതിയിടുന്നത്.

വന്‍ തുകയുടെ കരാറിന് ഫാബ്രിഗസിനെ കൈക്കലാക്കാന്‍ ചെല്‍‌സി ശ്രമങ്ങള്‍ ആരംഭിച്ചുവെന്നാണ് റിപ്പോര്‍ട്ടുകള്‍. എന്നാല്‍ ഇതുസംബന്ധിച്ച വാര്‍ത്തയോട് ആര്‍സനല്‍ പ്രതികരിച്ചിട്ടില്ല.

നേരത്തേ 50 മില്യണ്‍പൗണ്ടെന്ന റെക്കോര്‍ഡ് തുകയ്ക്കായിരുന്നു ടോറസ് ചെല്‍സി ടീമിലെടുത്തത്.