ലോകം സാക്ഷ്യംവഹിച്ച ചില സുപ്രധാന സന്ദര്‍ഭങ്ങളില്‍ പ്രധാനമന്ത്രി നരേന്ദ്ര മോദിയുടെ സാന്നിധ്യം കാണിക്കുന്ന വിഡിയോ വൈറലാകുന്നു. ദണ്ഡി യാത്രയും, ശൂന്യാകാശത്ത് ധ്യാനത്തിലും, രണ്ടാം ലോക മഹായുദ്ധത്തില്‍ വരെ മോദിയുടെ സാന്നിധ്യം ഉണ്ടായിരിന്നുവെന്ന് വിഡിയോ പറയുന്നു.
നരേന്ദ്രമോദിയുടെ ഈ സ്പൂഫ് വീഡിയോ സോഷ്യല്‍ മീഡിയയില്‍ ഇതിനോടകം തന്നെ വൈറലായിരിക്കുകയാണ്. അരീ ന്യൂ ഏജ് ഇന്‍ഫോടെയ്ന്‍മെന്റ് ചാനലാണ് ഈ വീഡിയോക്ക് പിന്നില്‍. മോദിസര്‍ക്കാര്‍ രണ്ടുവര്‍ഷം പൂര്‍ത്തിയാക്കിയതിനോടനുബന്ധിച്ച് പുറത്തിറക്കിയ മേരാ ദേശ് ബദല്‍ രഹാ ഹേ എന്ന ഗാനമാണ് വീഡിയോയില്‍ ഉപയോഗിച്ചിരിക്കുന്നത്. നല്ല ദിനങ്ങളുടെ രണ്ടുവര്‍ഷം പൂര്‍ത്തിയാക്കിയ ഞങ്ങളുടെ മോദിജിക്ക് എന്ന തലക്കെട്ടോടുകൂടിയാണ് വിഡിയോ പോസ്റ്റ് ചെയ്തിരിക്കുന്നത്. ഇതിനോടകം വിഡിയോ 2,10,000 പേര്‍ കണ്ടുകഴിഞ്ഞു.