കേരളത്തില്‍ ഇടതു പക്ഷത്തെ അഞ്ച് വര്‍ഷത്തിനിടെ മൂന്നാം സ്ഥാനത്തേക്ക് പിന്തള്ളാന്‍ കഴിയുമെന്ന് ആര്‍എസ്എസിന്റെ വിലയിരുത്തല്‍. നൈനിട്ടാളില്‍ ആര്എസ്എസ് നേതൃയോഗത്തിനു മുന്നോടിയായി നടന്ന അവലോകനയോഗത്തിലാണ് ഈ വിലയിരുത്തല്‍ ഉണ്ടായത്.
ബിജെപി മാത്രമാണ് കേരളത്തില്‍ വളര്‍ച്ചയുള്ള പ്രസ്ഥാനം. ഇടതുപക്ഷത്തു നിന്നു മാറി ചിന്തിക്കാന്‍ കഴിവുള്ളവരെ ആകര്‍ഷിക്കാന്‍ പാര്‍ട്ടിയ്ക്ക് കഴിയണം. എന്നാല്‍ നിലവിലെ ബിജെപി സംഘടന സംവിധാനത്തിന് ഇതിനു കഴിയുന്നുണ്ടോ എന്ന് സംശയമുണ്ട്. കേരള ഘടകത്തിലെ വിഭാഗിയത പരിഹരിക്കാനാവാത്തതും യോഗം വിലയിരുത്തി.