ഹണിമൂണിനിടെ ഭര്‍ത്താവിനെ കൊലപ്പെടുത്താന്‍ ക്വാട്ടേഷന്‍ നല്‍കിയ യുവതി പിടിക്കപ്പെടുമെന്നായപ്പോള്‍ ആത്മഹത്യ ചെയ്തു. തേനിയിലെ കമ്പത്താണ് സംഭവം. ഉലകത്തേവര്‍ സ്വദേശിയായ ഗൗതമിന്റെ ഭാര്യ ഭുവനേശ്വരിയാണ്(21) ആത്മഹത്യ ചെയ്തത്. കഴിഞ്ഞ നവംബര്‍ 10നായിരുന്നു ഇരുവരുടേയും വിവാഹം. വിവാഹം കഴിഞ്ഞ് 28 ദിവസങ്ങള്‍ക്ക് ശേഷം നടത്തിയ ഹണിമൂണ്‍ യാത്രയില്‍ ഭര്‍ത്താവിനെ കൊലപ്പെടുത്താന്‍ ഭുവനേശ്വരി ക്വാട്ടേഷന്‍ നല്‍കിയിരുന്നു.
കായിക രംഗത്ത് പരിശീലനം ലഭിച്ച ഭുവനേശ്വരി സേനയില്‍ ചേരാനുള്ള എഴുത്ത് പരീക്ഷയ്ക്കായി കാത്തിരുന്നപ്പോഴാണ് വിവാഹം നടന്നത്. വിവാഹശേഷം ജോലിക്ക് പോകാന്‍ സാധിക്കില്ലെന്ന തോന്നലാണ് ഭര്‍ത്താവിനെ കൊലപ്പെടുത്താന്‍ തീരുമാനിച്ചത്.