പഹല്‍ഗാമിലെ ബൈസരണില്‍ കൊല്ലപ്പെട്ടവരുടെ കുടുംബാംഗങ്ങളോട് പാകിസ്ഥാനുമായുള്ള ക്രിക്കറ്റ് മത്സരം കാണണമെന്ന് പറയാന്‍ മനസാക്ഷി അനുവദിക്കുമോയെന്നും ഒവൈസി ചോദിച്ചു. പാകിസ്ഥാനിലേക്കുള്ള 80 ശതമാനം വെള്ളവും നമ്മള്‍ തടയുകയാണ്. വെള്ളവും രക്തവും ഒന്നിച്ചൊഴുകില്ലെന്ന് പറഞ്ഞാണ് ഇന്ത്യയുടെ ഈ നടപടി. അങ്ങനെയിരിക്കുമ്പോള്‍ ക്രിക്കറ്റ് മത്സരം നടത്താന്‍ കഴിയുമോ?, ഒവൈസി ചോദിച്ചു. ചര്‍ച്ചയും തീവ്രവാദവും ഒന്നിച്ച് പോകില്ലെന്നും രക്തവും വെള്ളവും ഒന്നിച്ചൊഴുകില്ലെന്നും വിദേശകാര്യമന്ത്രി എസ് ജയശങ്കര്‍ നേരത്തെ നടത്തിയ പ്രസ്താവനയെ സൂചിപ്പിച്ചായിരുന്നു ഒവൈസിയുടെ പ്രതികരണം.
