യുഡിഎഫ് ശക്തമായി തിരിച്ചുവരും, 2026ൽ ഭരണം പിടിക്കും,ഇല്ലെങ്കിൽ രാഷ്ട്രീയ വനവാസം തന്നെയെന്ന് വി ഡി സതീശൻ
തിളക്കമാര്‍ന്ന വിജയത്തോടെ യുഡിഎഫിനെ അധികാരത്തിലേക്ക് തിരികെ കൊണ്ടുചെല്ലാന്‍ കഴിഞ്ഞില്ലെങ്കില്‍ വെള്ളാപ്പള്ളി പറഞ്ഞതുപോലെ രാഷ്ട്രീയ വനവാസം പോകുമെന്ന് വി ഡി സതീശന്‍ ആവര്‍ത്തിക്കുകയും ചെയ്തു. അത് ഞങ്ങളുടെ ആത്മവിശ്വാസമാണ്. ഉജ്ജ്വലമായ ഭൂരിപക്ഷത്തോടെ കോണ്‍ഗ്രസ് അധികാരത്തിലെത്തും. 2026ലെ തിരെഞ്ഞെടുപ്പില്‍ ഉജ്ജ്വലമായി തിരിച്ചുവരാനുള്ള കരുത്തും ഊര്‍ജ്ജവും യുഡിഎഫിനുണ്ട്. അതാണ് നിലമ്പൂര്‍ ഉപതിരെഞ്ഞെടുപ്പില്‍ തെളിഞ്ഞത്. കൃത്യസമയങ്ങളില്‍ നേതാക്കള്‍ കൂടിയാലോചിച്ച് ഒറ്റക്കെട്ടായി തീരുമാനങ്ങളെടുക്കും. തിരെഞ്ഞെടുപ്പിന് മുന്‍പ് യുഡിഎഫിന്റെ അടിത്തറ വിപുലമാക്കുമെന്നും അതിന്റെ വിശദാംശങ്ങള്‍ ഇപ്പോള്‍ പറയുന്നില്ലെന്നും സതീശന്‍ കൂട്ടിച്ചേര്‍ത്തു.
