മഹാരാഷ്ട്രയിലെ കോലാപൂരില്‍ 18 വയസ്സുള്ള ഒരു സ്ത്രീയെയും 29 വയസ്സുള്ള ഒരു പുരുഷനെയും മരിച്ച നിലയില്‍ കണ്ടെത്തി. പ്രണയത്തിലായിരുന്ന ദമ്പതികള്‍ വിവാഹാലോചനകളെച്ചൊല്ലിയുള്ള തര്‍ക്കത്തെ തുടര്‍ന്നാണ് മരിച്ചത്. പോലീസ് റിപ്പോര്‍ട്ടുകള്‍ പ്രകാരം, വിവാഹത്തെക്കുറിച്ച് ചര്‍ച്ച ചെയ്യുന്നതിനായാണ് പുരുഷന്‍ സ്ത്രീയുടെ വീട്ടില്‍ എത്തിയത്. കുടുംബങ്ങള്‍ വിവാഹ കാര്യങ്ങളെക്കുറിച്ച് ചര്‍ച്ച ചെയ്യുന്നതിനിടയില്‍, ഒരു തര്‍ക്കം ഉടലെടുത്തു തുടര്‍ന്ന് ഇതേ ചൊല്ലി വീട്ടിലെ ഒരു മുറിക്കുള്ളില്‍ യുവാവും യുവതിയും തമ്മില്‍ സംഘര്‍ഷത്തിലായി.
തര്‍ക്കം മൂര്‍ച്ഛിക്കുകയും, തുടര്‍ന്ന് യുവാവ് തന്റെ പങ്കാളിയെ മാരകമായി കുത്തിക്കൊല്ലുകയും ചെയ്തു. തുടര്‍ന്ന് അതേ കത്തി ഉപയോഗിച്ച് അയാള്‍ ആത്മഹത്യ ചെയ്തു. രണ്ട് കുടുംബങ്ങളുടെയും സാന്നിധ്യത്തിലാണ് സംഭവം നടന്നത്. ദാരുണമായ സംഭവത്തിലേക്ക് നയിച്ച സാഹചര്യങ്ങള്‍ പോലീസ് നിലവില്‍ അന്വേഷിക്കുകയാണ്.
