ഹിന്ദുമത വിശ്വാസികളുടെ ദൈവമായ ശിവനെ മുസ്ലീങ്ങളുടെ ആദ്യ പ്രവാചകനായി വാഴ്ത്തിയ മുസ്ലീം പുരോഹിതനെ തലവെട്ടിക്കൊല്ലാന്‍ ഫത്വ പുറപ്പെടുവിച്ചു. ജമിയത്ത് ഉലമ മുഫ്തി മുഹമ്മദ് ഇല്ല്യാസ്ഖസ്മിയുടെ തലായാണ് വെട്ടിയെടുക്കാന്‍ മതശാസന വന്നിരിക്കുന്നത്. ബാറിയേലി ആസ്ഥാനമായി പ്രവര്‍ത്തിക്കുന്ന ഓള്‍ ഇന്ത്യ ഫൈനാന്‍ -ഇ-മദീന കൗണ്‍സിലാണ് മുഹമ്മദ് ഇല്ല്യാസ് ഖസ്മിയുടെ തലയെടുക്കാന്‍ ഫത്വ പുറപ്പെടുവിച്ചത്.
ഖസ്മിയുടെ തലയ്ക്ക്1.786 ലക്ഷം രൂപയാണ് ഇവര്‍ വിലയിട്ടിരിക്കുന്നത്. എന്നാല്‍ തല വെട്ടിയെടുക്കുന്നത് മുസ്ലീമാണെങ്കില്‍ മാത്രമെ ഈ തുക കൈമാറു എന്നാണ് ഫൈനാന്‍ -ഇ-മദീന കൗണ്‍സില്‍ അറിയിച്ചിരിക്കുന്നത്. തലവെട്ടീയെടുക്കുന്നയാള്‍ക്കായി ഇസ്ലാമികമായ വാള്‍ നല്‍കുമെന്നും സംഘടനയുടെ നേതാവ് മൊയ്തീന്‍ സിദ്ദിഖി നൂറി പറയുന്നു.
ശിവന്‍ പ്രവാചകനാണെന്നും എല്ലാ ഇന്ത്യക്കാരും ഹിന്ദുക്കളുമാണെന്ന് മുഹമ്മദ് ഇല്യാസ് പറഞ്ഞത്. സാനാതന്‍ ധര്‍മ്മം പിന്തുടരുന്നവരാണ് മുസ്ലിങ്ങള്‍. എല്ലാ മതങ്ങളും പറയുന്നത് ഒരേ സന്ദേശമാണ്. നമ്മളെല്ലാവരും ഇന്ത്യക്കാരാണ് സാഹദോര്യവും സ്‌നഹേവും, സമാധാനവുമാണ് നമ്മുടെ സന്ദേശം. ചൈനക്കാരെ ചൈനീസുകാര്‍ എന്ന് വിളിയ്ക്കുന്നു ജപ്പാനിലുള്ളവരെ ജാപ്പനീസുകാര്‍ എന്ന് വിളിയ്ക്കുന്നു അതിനാല്‍ തന്നെ ഹിന്ദുസ്ഥാനികളായ നമ്മള്‍ ഹിന്ദുക്കളാണ് എന്നതായിരുന്നു മുഫ്തിയുടെ വിവാദ പ്രസ്താവന.