അതിവേഗ റെയില്‍ കോറിഡോര്‍ വരുന്നു. ഇനി ചെന്നൈയില്‍നിന്ന് ഡല്‍ഹിയിലെത്താന്‍ 6 മണിക്കൂര്‍ മാത്രം മതിയാവും. ഈ റെയില്‍ പാതയിലൂടെ ട്രെയിനുകള്‍ മണിക്കൂറില്‍ 300 കിലോ മീറ്റര്‍ വേഗതയിലാവും പായുന്നത്. 1,754 കിലോ മീറ്റര്‍ അകലമുള്ള ഡല്‍ഹി- ചെന്നൈ യാത്രയ്ക്ക് ഇനി മണിക്കൂറുകള്‍ മാത്രം മതിയാകുമെന്നതാണ് ഏറ്റവും വലിയ സവിശേഷത.
ചൈനയുമായി ചേര്‍ന്നാണ് പദ്ധതി നടപ്പിലാക്കുന്നത്. രണ്ടു ലക്ഷം കോടി രൂപയാണ് നിര്‍മ്മാണ ചെലവ്. ലോകത്തിലെ ഏറ്റവും ദൈര്‍ഘ്യമുള്ള അതിവേഗ റെയില്‍ കോറിഡോര്‍ ബെയ്ജിംഗിനും ഗ്വാന്‍ഷുവിനും ഇടയിലുള്ളതാണ്.
പദ്ധതിയുടെ സാധ്യതാ പഠനം നടത്തുന്നതിന് അതിവേഗ റെയില്‍ അധികൃതര്‍ വരുന്ന 24ന് ബെയ്ജിംഗ് സന്ദര്‍ശിക്കും.