നേരത്തെ ഇന്ത്യ- പാകിസ്ഥാന്‍ പ്രശ്‌നങ്ങളില്‍ നയങ്ങളുടെ പേരില്‍ കോണ്‍ഗ്രസ് സര്‍ക്കാരുകളെയും ഭരണാധികളെയും ചോദ്യം ചെയ്തിരുന്നവര്‍ പോലും നിലവിലെ ഭരണനേതൃത്വത്തിനെതിരെ ഒരു വരി പോലും വിമര്‍ശിക്കാന്‍ തയ്യാറല്ല. വിമര്‍ശകര്‍ പലരും രാജ്യത്തിന്റെ പ്രധാനമന്ത്രിയാണ് തീരുമാനങ്ങള്‍ എടുക്കുന്നത് എന്ന് മറന്ന മട്ടാണ്. എന്നാല്‍ വിക്രം മിസ്രിക്കെതിരെ വഞ്ചകന്‍, ദേശദ്രോഹി എന്നിങ്ങനെയാണ് അധിക്രമങ്ങള്‍. മകളും അഭിഭാഷകയുമായ വിക്രം മിസ്രിയുടെ മകള്‍ക്കെതിരെയും സൈബര്‍ ആക്രമണം നടക്കുന്നുണ്ട്.
അതേസമയം രാജ്യത്തിന്റെ നേതൃത്വം എടുത്ത തീരുമാനത്തില്‍ ഉദ്യോഗസ്ഥനെ പഴിക്കരുതെന്ന് എഐഎംഐഎം നേതാവായ അസദ്ദുദ്ദീന്‍ ഉവൈസി പറഞ്ഞു. 1989 ബാച്ച് ഐഎഫ്എസ് ഉദ്യോഗസ്ഥനായ മിസ്രി പ്രധാനമന്ത്രിമാരായ ഐ കെ ഗുജ്‌റാള്‍, മന്‍മോഹന്‍ സിങ്, നരേന്ദ്ര മോദ്ദി എന്നിവരുടെ പ്രൈവറ്റ് സെക്രട്ടറിയായി പ്രവര്‍ത്തിച്ചിട്ടുണ്ട്.
