ആഗസ്റ്റ് 7 ന് രാജസ്ഥാനിലെ അല്‍വാറിലുള്ള ആശ്രമത്തില്‍വെച്ച് 70 കാരനായ സന്യാസി തന്നെ ലൈംഗികമായി പീഡിപ്പിച്ചു എന്നാണ് 21 കാരിയായ യുവതി പരാതി. പരാതി നല്‍കിയതിന് പിന്നാലെ സ്വാമിയെ ചോദ്യം ചെയ്യാനായിവിളിപ്പിച്ചെങ്കിലും അസുഖത്തെ തുടര്‍ന്ന് അല്‍വാര്‍ ആശുപത്രിയില്‍ ചികിത്സയിലാണ് അദ്ദേഹമെന്നാണ് അറിയിച്ചത്. ഡോക്ടര്‍മാരുടെ അനുമതിയോടെ ചോദ്യം ചെയ്യല്‍ ആരംഭിക്കുമെന്നും പൊലീസ് പറഞ്ഞു.
കുട്ടിയുടെ വീട്ടുകാര്‍ ബാബയുടെ വിശ്വാസികളായിരുന്നു. വീട്ടുകാരുടെ നിര്‍ബന്ധപ്രകാരമാണ് കുട്ടി സ്വാമിയെ കാണാന്‍ ആശ്രമത്തിലെത്തിയത്. എന്നാല്‍ ആശ്രമത്തില്‍വെച്ച് തനിക്കുണ്ടായ അനുഭവം വീട്ടുകാരോട് വെളിപ്പെടുത്തിയതിന് പിന്നാലെയാണ് കുടുംബം പരാതി നല്‍കിയതെന്ന് ബിലാസ്പൂര്‍ ഡിഎസ്പി അര്‍ച്ചന പറഞ്ഞു.