ബിഹാറില്‍ ഉച്ചഭക്ഷണം കഴിച്ച് സ്കൂള്‍ കൂട്ടികള്‍ മരിക്കാനിടയായ സംഭവത്തില്‍ സ്കൂള്‍ പ്രിന്‍സിപ്പല്‍ മീനദേവിയുടെ ഭര്‍ത്താവ് അര്‍ജുന്‍ റായ് പൊലീസില്‍ കീഴടങ്ങി.
ബിഹാറിലെ സരന്‍ ജില്ലയില്‍ ധര്‍മസതി ഗണ്ഡമാന്‍ ഗ്രാമത്തില്‍ 23 പ്രൈമറി സ്കൂള്‍ കുട്ടികള്‍ ജൂലൈ 16ന്‌ ഉച്ചഭക്ഷണം കഴിച്ചതിനെത്തുടര്‍ന്നു മരിച്ചിരുന്നു. ഉച്ചഭക്ഷണത്തില്‍ കലര്‍ന്ന് വിഷാംശമാണ് ഇത്രയും കുട്ടികളുടെ ജീവനെടുക്കാന്‍ കാരണമായത്.
അര്‍ജുന്‍ റായെ 14 ദിവസത്തേക്കു കോടതി ജുഡീഷ്യല്‍ കസ്റ്റഡിയില്‍ വിട്ടു. കേസ് അന്വേഷണം എത്രയും പെട്ടന്ന് തീര്‍ക്കണമെന്ന് മുഖ്യമന്ത്രി നിതീഷ് കുമാര്‍ ഉത്തരവിട്ടിരുന്നു.