ശ്രീശാന്തിന്റെ ഐപി‌എല്‍ വിവാദവും, പൂനം പാണ്ഡെ, ഷെര്‍ലിന്‍ ചോപ്ര തുടങ്ങിയവരുടെ മാദക മസാലകള്‍ ബോളിവുഡില്‍ വരുത്തിയ മാറ്റങ്ങളുമാണ് ഇവരെ റിയാലിറ്റി ഷോയിലേക്ക് തെരഞ്ഞെടുക്കപ്പെടാന്‍ കാരണമായി കരുതുന്നത്.
യുവരാജ് സിംഗിന്റെയും മനീഷ കൊയ്‌രാളയുടെയും ക്യാന്‍സര്‍ രോഗം മാറി തിരിച്ച് വന്നത് ഏറെ പ്രേക്ഷക ശ്രദ്ധയാകര്‍ഷിച്ചതായിരുന്നു. ജിയാ ഖാന്റെ മരണമാണ് സൂരജ് പഞ്ചോലിയെ ഉള്‍പ്പെടുത്താന്‍ കാരണമായതെന്ന് കരുതുന്നു.
ഒരു എപ്പിസോഡിന് സല്മാന് ലഭിക്കുന്നത് അഞ്ച് കോടി രൂപയായിരിക്കുമെന്നാണ് ബിഗ് ബോസിന്റെ അടുത്ത വൃത്തങ്ങള്‍ പറയുന്നത്. സെപ്തംബര്‍ മധ്യത്തോടെ ബിഗ് ബോസിന്റെ ആദ്യ എപ്പിസോഡ് സംപ്രേക്ഷണം ചെയ്യും.
ബിഗ് ബോസ് പൂര്‍ത്തിയാക്കുന്നതോടു കൂടി സല്മാന് ഖാന്‍ ഏറ്റവും കൂടുതല്‍ പ്രതിഫലം പറ്റുന്ന സെലിബ്രിറ്റി താരമാകും. പരിപാടി പൂര്‍ത്തിയാക്കുമ്പോള്‍ 130 കോടിയിലധികം രൂപ സല്‍മാനു ലഭിക്കും. ബിഗ് ബോസില്‍ പങ്കെടുക്കുന്ന മറ്റ് മത്സരാര്‍ത്ഥികളെ സംബന്ധിച്ച് ഇതുവരെ വിവരങ്ങളൊന്നും ലഭ്യമല്ല.
കളേഴ്സ് ടിവിയിലാണ് ബിഗ് ബ്രദര്‍ സംപ്രേക്ഷണം ചെയ്യുന്നത്. അന്താരാഷ്ട്ര റിയാലിറ്റി ഷോയായ ബിഗ് ബ്രദറിന്റെ അതേ രൂപത്തിലും, ഭാവത്തിലുമാണ് ഈ പരിപാടി രൂപപ്പെടുത്തിയിട്ടുള്ളത്. എന്തായാലും ഇത്തവണത്തെ ബിഗ് ബോസ് വന്‍ ഹിറ്റാകുമെന്നാണ് അണിയറ പ്രവര്‍ത്തകര്‍ സൂചിപ്പിക്കുന്നത്.