ജമ്മു കശ്മീരില്‍ ഉണ്ടായ കനത്ത മഞ്ഞിടിച്ചിലില്‍ 17 സൈനികര്‍ കൊല്ലപ്പെട്ടു. ആറ് സൈനികരുടെ മൃതദേഹങ്ങള്‍ കണ്ടെത്തിയിട്ടുണ്ട്. 20 ഓളം സൈനികരെ കാണാതായി എന്നാണ് റിപ്പോര്‍ട്ട്.
സോന്‍മാര്‍ഗിലും ദാവറിലുമാണ് മഞ്ഞിടിച്ചിലുണ്ടായത്. ബുധനാഴ്ച രാത്രിയാണ് സംഭവം. സൈനിക പോസ്റ്റുകളിലേക്ക് മഞ്ഞുമല ഇടിഞ്ഞുവീഴുകയായിരുന്നു.
പ്രതികൂല കാലാവസ്ഥ രക്ഷാപ്രവര്‍ത്തനങ്ങള്‍ ദുഷ്‌കരമാക്കിയിട്ടുണ്ട്. മരണസംഖ്യ ഉയരാന്‍ സാധ്യതയുണ്ടെന്നാണ് പ്രാഥമിക റിപ്പോര്‍ട്ടുകള്‍ സൂചിപ്പിക്കുന്നത്.